 |
Grunnur að starfsemi Vörumerkingar var lagður árið 1962. Fyrstu tíu ár starfseminnar bar það nafnið Karl M. Karlsson & Co en frá árinu 1972 hefur það borið núverandi nafn, Vörumerking. 2012 Samhentir kaupa Vörumerkingu 2013 Vélakostur endurnýjaður og flutt í nýtt húsnæði að Suðurhrauni 6. 2023 Vörumerkign fær BRCS matvælavottun 2026 Vörumerking tekur yfir Sigurplast
|
Fyrstu árin var framleiðslan að mestu leyti áprentuð límbönd, fólíur og ýmislegt annað sem ekki hafði áður verið prentað hérlendis. Smám saman jókst áherslan á framleiðslu límmiða sem hefur enn frekar styrkst undanfarin ár.
Starfsemi Vörumerkingar er í sífelldri þróun og eru starfsmenn vakandi fyrir nýjum tækifærum sem tengjast umbúðum og merkingu á vörum.
Vélakostur Vörumerkingar var endurnýjaður mikið árið 2013 og er mjög fullkominn. Nýju vélarnar prenta í mun meiri gæðum en þær gömlu og eru auk þess mun hagkvæmari í rekstri. Fyrirtækið prentar hefðbundna límmiða á pappír eða plast, álfilmur, állok, plastfilmur og kort ýmiskonar. Í vélaflotann bættist nýlega hágæða stafræn prentvél sem gerir prentun á smáum upplögum mun hagkvæmari.
Afskurður er minni en áður og því er framleiðslan orðin mun umhverfisvænari. Allur afskurður fer til endurvinnslu.
Árið 2013 var starfsemin flutt í sérhannað húsnæði að Suðurhrauni 6 í Garðabæ. Hluti af framleiðslusalnum er einungis fyrir framleiðslu á umbúðum fyrir matvæli og lyf og er hann lokaður af frá annarri framleiðslu. Í þeim sal eru loftskipti mun örari og framleiðslan uppfyllir ströngustu skilyrði lyfja- og matvælaeftirlits.
Vörumerking tók yfir rekstur Sigurplasts frá og með 1. janúar 2026. Sigurplast var stofnað árið 1960 og hefur um áratuga skeið sérhæft sig í framleiðslu á blásnum PET- og HDPE-flöskum. Með sameiningu Sigurplasts við Vörumerkingu skapast sterkari rekstrargrundvöllur, aukin stærðarhagkvæmni og ný tækifæri til uppbyggingar og vaxtar.
Starfsfólk Vörumerkingar hafa langa reynslu á sviði hönnunar og prentunar. í samvinnu við viðskiptavini er sífellt verið að leita nýrra lausna. Fyrirtækið er mjög tæknivætt og starfsfólk fylgist vel með nýjungum.